پلان بو چێکرنا پارکەکێ و جاددەکا 20م ل کورا هەیە

(سەرۆکاتیا باژێرڤانیا کۆرا ددەما بوری دا هژمارەکا خزمەتگۆزاریان ئەنجامداینە)

سەرۆکا باژێرڤانیا کۆرا دیارکر کۆ ئەوان بۆ خزمەتکرنا خەلک و دەڤەرا کۆرا پلانەک هەیە کو جاددا 20م و پارکەک و هژمارەکا جاددێن نافخوە دانایە و دخوازن کو بجهـ بکەن.

رەمزیا بەرواری، سەرۆکا باژێرڤانیا کۆرا دیارکر کو کومەلگەها کۆرا ئێکە ژ کومەلگەهێن مەزن و پتری پێنج هزار و 600 کەس تێدا دژین گۆت: (چەند سالێن بوری حوکمەتا هەرێما کوردستانێ هژمارەکا خزمەتگۆزاریێن باش بۆ کۆمەلگەها کۆرا دروست کرینە مینا چێکرنا جاددا سەرەکی ب کوژمێ نێزیکێ ملیارەک و 699 ملیون دیناران ب درێژاهیا هزار و 660 دیناران، چێکرنا جاددێن گوندێ کۆرا یا کریستیانان کو هژمارەکا جاددەیان خوڤە دگرتن و هاتینە کونکرێتکرن، دیسان سەخبێرکرنا پارکێن بچوک ل گەل ب رێڤەچونا چوار هەوێن چاندنا داران ب مەرەما جوانکرنا سەر و سیمایێ باژێری و زێدەکرنارێژا کەسکاتیێ، ئەڤە زێدەباری دروستکرنا چەندین پروژە و خزمەتگۆزاریێن دی).

زیدەتر گۆت: (کۆرا مولکەکێ بەرفرەهـ هەیە، بەلێ هەتا نوکە نەهاتیە کوژاندن، ئەگەر ئەگ یەک بهێتە ئێکلاکرن ل وی دەمی دێ کۆرا بەرفرەهـ تر بیت و رەنگە خزمەتگۆزاریێن باشتر ژی بو دەڤەرێ بهێنە چێکرن).

سەرۆکا باژێرڤانیا کۆرا د درێژاهیا ئاخفتنێن خودا دیارکر ژی کۆ ژبلی چێکرنا پرۆژێن خزمەتگۆزاری، هەڤدەم باژێرڤانیا کۆرا ئەرکێ ب رێڤەبرنا مامەلێن وەلاتیان و چاڤدێریکرنا پاڤژکرنا دەڤەرێ ب ستویێ خوڤە دگریت و زێدەتر گۆت: (د پلاندایە جاددە 20م یا کورا، چێکرنا پارکەکێ و ئاڤاهیەکێ بۆ باژێرڤانیا کۆرا، ل گەل چێکرنا کولانێن نافخوە یێن کۆرا بهێنە چێکرن، چاڤەرێ دکەین حوکمەتا هەرێما کوردستانێ بەرسڤا مە بدەت).