رێكا بازرگانی ل ئیبراهیم خه‌لیل نه‌هاتیه‌ داخستن

سه‌ره‌رای وێ‌ چه‌ندێ‌ ل شه‌ڤا بۆری توركیا وه‌ك ڕێكاره‌ك به‌رامبه‌ر ڕێگرتن ژ به‌لاڤبوونا كۆرۆنایێ، بڕیارا داخستنا سنورێ خۆ دگه‌ل هه‌رێما كوردستان و عێراقێ دایه‌، لێ‌ داخستنا سنووران ب تنێ‌ هاتن و چوونا گه‌شتیاران بوویه‌ و رێكا بازرگانی نه‌هاتیه‌ داخستن.

هاتن و چوونا گه‌شتیار و ڕێڤینگان ل ده‌رازینكا نێڤده‌وله‌تا ئیبراهیم خه‌لیل ل زاخۆ ژ ئالیێ توركیا ڤه‌ هاتیه‌ ڕاگرتن، ب تنێ هاتن و چوونا بارهه‌لگر و جمۆجۆلا بازرگانی هه‌یه‌ و كارێن بازرگان ب شێوه‌یه‌كێ‌ ئاسایی دهێته‌ كرن و چو ئاسته‌نگ نینه‌ و چو بریار ژی نه‌هاتینه‌ دان كو ده‌رگه‌هێن سنووری ب ئێكجاری بهێنه‌ داخستن.

توركیا ڕێ ب چ و ڕێڤینكه‌كێ ناده‌ت سه‌ره‌دانا وی ولاتی بكه‌ن، تنێ ڕێ ب وان وه‌لاتیێن خۆ دده‌ت كو ل هه‌رێما كوردستانێ و عێراقێ نه‌ بۆ ڤه‌گه‌ڕیانا ولاتێ خۆ، ئه‌و ژی ب ڕێكار و چاڤدێریا ساخله‌میێ دهێته‌ كرن ڕێ ب هاتنا چ وه‌لاتیه‌كێ وان ولاتان ناهێته‌ دان كو ڤایرۆسا كۆرۆنایێ تێدا به‌لاڤبوویه‌، ئه‌و وه‌لاتیێن هه‌رێمێ یێن ل توركیا ژی دكارن ڤه‌گه‌ڕن، هه‌ر كه‌سێ ڤه‌گه‌ڕیت ژی دێ پشكنین بۆ هێته‌كرن و دبن چاڤدێریا ساخله‌میێ دا بن".