حكومه‌تى هه‌رێمى كوردستان

ئیسماعیل سلێمان، سه‌رۆكێ‌ باژێرڤانیا فه‌یدیێ‌ گۆت: و ب مه‌ره‌ما خزمه‌تكرنا خه‌لكێ‌ ده‌ڤه‌رێ‌، هژماره‌كا پرۆژێن جودا ل ده‌ڤه‌را دومیز و فه‌یدیێ‌ دهێنه‌ چێكرن ب تایبه‌تی د وارێ‌ رێیان دا، ئه‌ڤجا رێیێن سه‌ره‌كی بن یان ژی نافخوه‌ و لاوه‌كی ب تایبه‌تی د نوكه‌ دا كو وه‌رزێ‌ زڤستانێ‌ یه‌ و خه‌لكی زێده‌تر پێدڤی ب رێیان هه‌یه‌.

زێده‌تر دبێژیت: (وان ده‌ست ب چێكرنا رێیه‌كا سه‌ره‌كی ب كوژمێ‌ 250 ملیون دیناران كریه‌ و درێژاهیا جاددێ‌ كیلومه‌تره‌ك و 220 مه‌تره‌، دیسان نهومه‌كا دی بۆ ئاڤاهیێ‌ باژێرڤانیێ‌ دهێته‌ چێكرن ب كوژمێ‌ 277 ملیون دیناران، هه‌ر دیسان نوكه‌ كار بۆ چێكرن و گه‌هاندنا رێیه‌كا سه‌ره‌كی بۆ كه‌مپا دومیز ئێك و دومیز دوو ب كوژمێ‌ 780 ملیۆن دیناران دهێته‌كرن، ب چێكرنا وان پرۆژان دێ‌ تا راده‌یه‌كێ‌ ئاریشێن ده‌ڤه‌رێ‌ كێم بن و گۆت: ب كوژمێ‌ ملیاره‌ك و 250 ملیون دیناران ل ده‌مه‌كێ‌ دێ‌ هژماره‌كا كار و پرۆژان ل سه‌ربازگه‌ها دومیز هێنه‌ چێكرن كو ده‌ڤه‌ره‌كا مه‌زنه‌ و پێدڤی ب خزمه‌تگۆزاریێن جودایه‌.

ده‌ڤه‌را دومیز و فه‌یدیێ‌ ئێكه‌ ژ ده‌ڤه‌رێن هه‌ری مه‌زن و سنووره‌كێ‌ به‌رفره‌ه هه‌یه‌، به‌لێ‌ ب سایا حوكمه‌تا هه‌رێما كوردستانێ‌ و جهێن شوله‌ژێ‌ كار و پرۆژه‌ و خزمه‌تگۆزاری ژی به‌رده‌وامن، د نوكه‌ دا ده‌ست ب چێكرنا هژماره‌كا پرۆژان هاتیه‌ كرن ب تایبه‌تی د وارێ‌ رێیێن نافخوه‌ و سه‌ره‌كی دا.