چالاكیه‌كا ژینگه‌هێ‌ ل هۆلا رێڤه‌به‌ریا گشتیا باژێرڤانیان دهێته‌كرن

......................................

هژماره‌كا قوتابیێن ئاماده‌یی ل سنوورێ‌ په‌روه‌ردا دهۆكێ‌ ب ده‌ستێن خوه‌ پرۆژه‌یێن ژینگه‌هێ‌ چێكرینه‌ و ل هۆلا رێڤه‌به‌ریا گشتیا باژێرڤانیان ل پارێزگه‌ها دهۆكێ‌ پێشكێش دكه‌ن بۆ هندێ‌ د ئاینده‌ی دا مفا ژێ‌ بهێته‌ وه‌رگرتن.

ئه‌ڤرۆ رۆژا پێنچشه‌مبی، چالاكیا فه‌رمانگه‌ها ژینگه‌ها دهۆكێ‌ ب هه‌ڤكاری ل گه‌ل رێڤه‌به‌ریا گشتیا په‌روه‌ردا دهۆكێ‌ هاته‌ ئه‌نجامدان و تێدا قوتابیێن 25 قوتابخانان پرۆژه‌یێن ژینگه‌هێ‌ به‌رهه‌ڤكرینه‌ و نیشاندان و 36 قوتابیان ب پرۆژه‌یێن خوه‌ به‌شداری د ڤێ‌ پێشانگه‌هێ‌ دا كر و ڤان قوتابیان پرۆژه‌یێن جوان و ب رێك و پێك د بیاڤی داهێنانێن ژینگه‌هێ‌ دا نیشاندان.

ل ده‌ستپێكێ ئاماده‌بوویان گه‌ریانه‌ك دناڤ پێشانگه‌ها پرۆژێن وزا پێگوهور و چه‌ند پرۆژێن دی سه‌بارت پاراستن و چاككرنا ژینگه‌هێ كو ژلایێ قوتابیێن قوتابخانێن پارێزگه‌ها دهۆكێ هاتبوونه‌ ئاماده‌كرن كرن و ده‌ست خوشی ل قوتابیان هاته‌ كرن بۆ دروستكرنا ڤان هزرا وه‌ك پرۆژه‌ كو ل ئاینده‌ی دا مفا ژێ بهێته‌ دیتن ببنه‌ پرۆژه‌ و ژینگه‌هه‌كا ساخله‌م و پاقژ ژێ په‌یدا بیت و ل دووماهیا رێ و ره‌سمان دیاری ل سه‌ر لایه‌نێن پشكدار هاتنه‌ به‌لاڤكرن.