سمینارەک بۆ خوەپاراستن ژ ڤایرۆسا کۆرۆنایێ ل رێڤه‌به‌ریا گشتى یا باژێرڤانیان هاته‌ پێشکێشکرن

دچارچوڤێ هه‌وا خوه‌پاراستن ژ ڤایروسا كورۆنا، رێڤه‌به‌ریا گشتى یا كاروبارێن خوه‌ پاراستنێ یا سه‌ر ب رێڤه‌به‌ریا گشتى یا ساخله‌میا پارێزگه‌ها دهۆكێ، هه‌ڤكارى ل گه‌ل رێڤەبەریا گشتی یا باژێرڤانیان ل پارێزگەها دهۆکێ ، رابوو ب ئه‌نجامدانا سمیناره‌كێ بۆ هه‌موو فه‌رمانبه‌رێن رێڤه‌به‌ریا گشتى یا باژێرڤانیان.

د. بلند خەلیل، بەرپرسێ پشکا ئێشێن نەڤەگر ل رێڤەبەریا خوە پاراستنێ ل پارێزگەها دهۆکێ گۆت: (ب مه‌ره‌مه‌ما پاراستنا وه‌لاتیان و فه‌رمانبه‌ران، دچارچوڤێ هه‌وا خوه‌پاراستن ل ڤایروسا كورۆنا، ئەڤرۆ مە سمینارەک لدۆر نەخوەشیێن دومدرێژ و ئێشێن ڤەگر بۆ هه‌موو فەرمانبەرێن رێڤەبەریا گشتی یا باژێرڤانیان ل پارێزگەها دهۆکێ ئه‌نجام دا و تێدا چەندین ئامارێن جودا ل سەر ڤان نەخوەشیان و چاوانیا خوەپاراستنێ ئه‌نجام دا).

زێده‌تر گۆت: (رێژەیا وان کەسێن ل جیهانێ دا ژ ئه‌گه‌رێ نەخوەشیێن دومدرێژ مینا نەخۆشیا شەکرێ و شێرپەنجێ دمرن زێده‌ترن ژ وان کەسێن ژ ئەنجامێ نەخوەشیێن ڤایرۆسی و ڤەگر دمرن).

ل دوماهیا سمنارێ پشكنینێن نه‌خۆشیا شه‌كرێ و فشارا خوینێ بۆ هه‌موو فه‌رمانبه‌رێن رێڤه‌به‌ریا ناڤبرى ئه‌نجام دان.