..........................
ب مه‌ره‌ما خزمه‌تكرنا وه‌لاتیان و پاراستنا ژینگه‌هێ، رێكخراوا CARE ل عیراقێ سێ ترومبێلێن پاقژكرنێ و ترۆمبێله‌كا ئاڤا گران راده‌ستی رێڤه‌به‌ریا گشتیا باژێرڤانیان كرن دا كو د خزمه‌تا وه‌لاتیان دا و پاراستنا ژینگه‌ها باژێران بهێته بكارئینان.
دیار به‌حری ره‌سول، رێڤه‌به‌رێ گشتیێ باژێرڤانیان ل پارێزگه‌ها دهۆكێ گۆت: ب مه‌ره‌ما خزمه‌تكرنا خه‌لكێ ده‌ڤه‌رێ و پاراستنا ژینگه‌هێ و پاقژكرن و راكرنا گلێشان دناڤ باژێر و كه‌مپان دا، رێكخراوا CARE چوار ترومبێلێن پاقژكرنێ راده‌ستی رێڤه‌به‌ریا گشتی یا باژێرڤانیان ل پارێزگه‌ها دهۆكێ كرن، بۆ ڤێ مه‌ره‌مێ ژی یاداشته‌كا لێكتێگه‌هشتنێ دناڤبه‌را مه و رێكخراوا ناڤبری هاته ئیمزاكرن.
وێندی بارون، سه‌رۆكا رێكخراوا كێر ل عیراقێ گۆت: (زۆر دلخوشین كو ئه‌ڤرۆ ل پارێزگه‌ها دهۆكێ ینه و یاداشتنامه‌یه‌كا لێكتێگه‌هشتنێ دناڤبه‌را مه و رێڤه‌به‌ریا گشتی یا باژێرڤانیان ل پارێزگه‌ها دهۆكێ هاتیه ئیمزاكرن بۆ راده‌ستكرنا چوار ترومبێلان دا كو زێده‌تر خزمه‌تا وه‌لاتیان و باژێرێن پارێزگه‌ها دهۆكێ بهێته‌كرن، كوژمێ 186 هزار و 900 دولاران ژ كرینا وان چوار ترومبێلان هاتینه مه‌زاختن).
ئه‌ڤ چوار ترومبێله سێ ژ جورێ كه‌پسن بۆ راكرنا گلێشی و ئێك ژ بۆ ئاڤا گرانه، پێشتر ژلایێ رێكخراوا هاریكار بۆ راكرنا گلێشی ل كه‌مپا چه‌مشكو دهاتنه بكارئینان، ژ ئه‌ڤرۆ وێڤه رێڤه‌به‌ریا گشتی یا باژێرڤانیان بوویه خودانا وان چوار تومبێلان و دیسان ژی دێ دووباره ژلایێ رێڤه‌به‌ریێ بۆ خزمه‌تكرنا وه‌لاتیان هێنه بكارئینان).
