به‌رهه‌ڤی بۆ تاپۆكرنا خانیێن زێده‌گاڤی دهێنه‌كرن


بڕیاره‌ ل گۆره‌ی قانوونێ خانیێن زێده‌گاڤی بهێنه‌ تاپۆكرن و په‌یڤدارێ وه‌زاره‌تا باژێڕڤانی ژی ئاشكرا كر، ل هنده‌ك سنووران به‌ری ده‌ستپێكرنا پڕۆسا تاپۆكرنێ به‌رهه‌ڤی دهێنه‌ كرن وئه‌ڤه‌ ژی كاره‌كێ باشه‌.

كوردۆ شابان، په‌یڤدارێ وه‌زاره‌تا باژێڕڤانی دیار كر ”ل هژماره‌ك ده‌ڤه‌رێن هه‌رێما كوردستانێ به‌رهه‌ڤی بۆ ده‌ستپێكرنا پڕۆسا تاپۆكرنا خانیێن زێده‌گاڤی هاتیه‌كرن و ئه‌م ژی دگه‌ل ڤێ چه‌ندێ داینه‌ به‌رهه‌ڤى بهێنه‌كرن بۆ ده‌ستپێكرنا ڤێ پڕۆسێ هه‌تا ده‌مێ بجهئینانا قانوونێ ئاسانكاری هه‌بن.

كوردۆ شابان گۆت ژی” هێشتا قانوونا تاپۆكرنا خانیێن زێده‌گاڤی نه‌چوویه‌ بیاڤێ بجه ئینانێ دا و ئه‌م چاڤه‌ڕێێ سه‌رۆكایه‌تیا جڤاتا وه‌زیرانین بۆ به‌لافكرنا رێنمایان و ده‌ستپێكرنا ئه‌ڤێ پڕۆسێ، به‌لێ ژڤانێ ده‌ستپێكرنا تاپۆكرنێ دیارنینه‌".