باژێرڤانیا ته‌ناهیێ‌‌ خانیه‌كێ‌ زێده‌گاڤی خرابكر

سه‌رۆكێ‌ باژێرڤانیا ته‌ناهی راگه‌هاند، وه‌لاتیه‌كێ‌ ده‌ڤه‌رێ‌ خانیه‌كێ‌ زێده‌گاڤی ئاڤاكر و پشتی داخوازا راكرنا خانی ژێ‌ هاتیه‌ كرن، ئه‌و وه‌لاتیه‌ رازی نه‌بوو خانی بهێته‌ راكرن, بەلێ ل گورەی یاسایێ خانی ھاتە راکرن.

نزار نێچیرڤان، سه‌رۆكێ‌ باژێرڤانیا ته‌ناهی دیار كر كو ل سنورێ باژێرڤانیا ته‌ناهیێ‌ ل رۆژئاڤایێ كێڤلا پشتی خانیه‌ك هاتیه‌ ئاڤاكرن ل سه‌ر مولكێ گشتی ژلایێ هاوولاتیه‌كی ڤه‌، تیمێن مه‌ یێن به‌شێ زێده‌گاڤیان فه‌رمان پێكر ئاڤاهیێ خوه‌ خراب كه‌ت بێی كو پێرابوونێن یاسایی ل گه‌ل دا بهێنه‌ كرن، لێ پشتی دیاربوی هاوولاتی یێ رژده‌ ل سه‌ر كریارا خوه‌، بابه‌ت هاته‌ شاندن بو به‌شێ یاسایی و به‌شێ یاسایی ب ئه‌ركێ خوه‌ رابوون. ‌

زێده‌تر گۆت: د ئه‌نجام دا بریار ھاتە دان د ماوه‌یه‌كێ دیاركری دا ئه‌ڤ ئاڤاهیه‌ بهێته‌ خراب كرن.