ئه‌ردێ‌ ئه‌ترووشا نوو د قۆناغا كۆژاندنێ‌ دایه‌

ل سالا 2011 نه‌خشه‌ دیزاین بۆ ڤه‌گوهاستنا ئه‌ترووشا كه‌ڤن بۆ ئه‌ترووشا نوو ل ده‌شتا بلدێشا هاتیه‌ چێكرن. ل دووڤ گۆتنێن سه‌رۆكێ‌ باژێرڤانیا ئه‌ترووش نه‌خشه‌ و دیزاین بۆ هاتیه‌ كرن د ناڤ دا 800 پارچه‌ ئه‌ردان دا هاتینه‌ ده‌ست نیشانكرن ل گه‌ل 250 پارچێن ئه‌ردی بۆ وان مه‌لاكێن ئه‌ردێ‌ وان دكه‌ڤیته‌ به‌ر نه‌خشه‌یێ‌ باژێری كۆ ب وان پارچا بهێن قه‌ره‌بووكرن.

سالم به‌ره‌كات، سه‌رۆكێ‌ باژێرڤانیا ئه‌ترووش دیار كر، ئه‌م وه‌كۆ سه‌رۆكاتیا باژێرڤانیا ئه‌ترووش رابووینه‌ ب ئه‌ركێ‌ خوه‌ ب دروستی ب دانانا نه‌خشه‌ و دیزاینا ئه‌ترووشا نوی د نها دا یا قوناغێن كوژاندنێ‌ دا دناڤ نه‌خشه‌ی دا 800 پارچێن ئه‌ردی هاتینه‌ دابینكرن ل گه‌ل 250 پارچێن ئه‌ردی بۆ قه‌ره‌بووكرنا مه‌لاكان، ژ ئه‌گه‌رێن قه‌یرانێن دارایی ئه‌ڤ بریاره‌ هاتیه‌ راوه‌ستاندن ئه‌م ژی به‌رده‌وامین د قوناغێن جێبه‌جێكرنێ‌ دا.

ناڤهاتی خویاكر، مه‌ ل سالا 2011 ئه‌ڤ نه‌خشه‌ و دیزاینه‌ دروست كریه‌ و هاتیه‌ په‌سه‌ندكرن، به‌لێ‌ قه‌یرانا دارایی ب سه‌ر دا هات و ژبه‌ر قه‌ره‌بوویا وان مه‌لاكێن ئه‌ردێ‌ وان د نه‌خشه‌ی دا هه‌تا نوكه‌ مایه‌ هه‌لاویستی.

سیداد له‌زگین، ناحیا ئه‌ترووش زێده‌تری 120 مال لێ‌ هه‌بوون، نها ب تنێ‌ 100 مال ماینه‌ و گه‌فێن هه‌رفتنا خانیێن وان ل سه‌ر دهێته‌ كرن، ژ به‌ر كۆ ئه‌و خانی ل ده‌ستپێكا ئاڤاكرنا ئه‌ترووش هاتینه‌ ئاڤاكرن ب به‌رێن كه‌ڤنار و نها نێزیكی 100 خانیا د ڤالانه‌ هنده‌ك ژ وان هه‌رفتینه‌ هنده‌ك ژی مه‌ترسیا هه‌رفینێ‌ یا ل سه‌ره‌.