رێكخراوه‌كا بیانى دێ بازاره‌كێ گەلەری ل شێخان دروست کەت


باژێرڤانیا شێخان ب هه‌ڤكاری ل گه‌ل رێكخراوا”PCPM" وورك شوپه‌ك بۆ ماوێ دو رۆژا سازكر، پشتی وورك شوپ ب دوماهی دهێت ئه‌ڤ رێكخراوه‌ دێ ده‌ست ب دروست كرنا پرۆژێ دروست كرنا بازارێ”گه‌له‌ری” یه‌ كۆ زێده‌تری 100 دوكانا پێك دهێت دناڤ سه‌نته‌رێ شێخان دا.

ئه‌ندازیار خالد نه‌رمۆ، سه‌رۆكێ باژێرڤانیا قه‌زا شێخان گۆت: ئه‌ڤ وورك شوپه‌ بۆ چاوانیا ئه‌نجامدان و هه‌لبژارتنا پرۆژا بۆ ستافێ كارمه‌ندێن باژێرڤانیا شێخان و یێن سه‌ر ب باژێرڤانیێ ڤه‌ ل قه‌زا شێخان وه‌كۆ یا دیاره‌ ژی حكومه‌تا هه‌رێما كوردستانێ گرنگیه‌ك باش دده‌ته‌ قه‌زا شێخان، ژبه‌ركۆ قه‌زا شێخان پێدڤی ب ڤان جوره‌ پرۆژایه‌ ژبه‌ر وێ چه‌ندێ رێكخراوێن بیانی ده‌ستێ هاریكاریێ بۆ ڤێ ده‌ڤه‌رێ دكه‌ن.

ناڤهاتی خویاكر ئێك ژ پرۆژێن گرنگ یێن ڤێ رێكخراوێ بۆ قه‌زا شێخان ئه‌نجام ده‌ت ئه‌و ژی پرۆژێ دروست كرنا بازاره‌كێ”گه‌له‌ری”یه‌ بۆ گرنگی دان به‌رهه‌مێ خومالی دناڤ بازاری دا و رێكخستنا بازارێ شێخان بۆ دیتنا ده‌لیڤێن كاری بۆ خه‌لكێ ده‌ڤه‌رێ ئه‌وێن كێم ده‌رامه‌ت له‌وما بریار هات دان ئه‌ڤ پرۆژه‌ بهێت دروست كرن دناڤ سه‌نته‌رێ شێخان.

ناڤهاتی گۆت ئه‌ڤ پرۆژه‌ ئاماده‌كاری بۆ هاتینه‌ كرن زێده‌تری 100 دوكانا پێك دهێت یێن جوراو جور دناڤ ڤی بازاری دا دێ هه‌موو پێتڤی یێن رۆژانه‌ هێن دابین كرن بۆ خه‌لكێ قه‌زایێ .
بیوتر ستوبكا،نوێنه‌رێ رێكخراوا “PCPM” ل عێراقێ بۆ ئه‌ڤرۆ نیوز گۆت:پشتی وه‌رگرتنا موله‌تێ ل هه‌رێما كوردستانێ ئه‌ڤه‌ ئێكه‌م پرۆژێ مه‌یه‌ ل هه‌رێما كوردستانێ دهێته‌ دروست كرن ل قه‌زا شێخان.

ناڤهاتی خۆیاكر ژبلی ڤی پرۆژه‌ی مه‌ پلانێن مه‌زنتر هه‌نه‌ كۆ ل هه‌موو باژێرێن كوردستانێ پرۆژێن خزمه‌تگوزاری ئه‌نجام ده‌ین بۆ خه‌لكێ كوردستانێ.