باژێرڤانیا شێخان ده‌ست ب نووژه‌نكرنا په‌رستگه‌ها لالش كر

................

ب سه‌رپه‌رشتیا تیمه‌كا زانكۆیا "بنسلڤانیا" و جڤاتا رۆحانیا ئێزدیان ده‌ست ب كارێ‌ نووژه‌نكرنا په‌رستگه‌ها لالش‌ هاته‌ كرن كۆ بۆ ئێكه‌م جاره‌ كونسولێ‌ ئه‌مریكا ل عێراقێ‌ كوژمه‌كێ‌ پاره‌ی بۆ په‌رستگه‌ها لالش دابین دكه‌ت.

ئه‌ڤرۆ رۆژا دووشه‌مبی 16/12/2019 ل دووڤ به‌رنامێ‌ پاراستن و نووژه‌نكرنا جهێن شوونواری و كه‌لتوری ل سه‌رانسه‌رێ‌ كوردستانێ‌ و عێراقێ‌ ژلایێ‌ وه‌زاره‌تا ده‌رڤه‌ یا ئه‌مریكا ب رێكا كونسولخانا‌ گشتی ل به‌غدا بودجه‌یه‌ك هاتیه‌ دابین كرن ب كۆژمێ‌ 500 هزار دولاران بۆ نووژه‌نكرنا په‌رستگه‌ها لالش ل دووڤ رێكه‌فتننامه‌یا دناڤبه‌را جڤاتا روحانیا ئێزدیان و زانكویا "بنسلڤانیا pensilvanya" كۆ یا ب تایبه‌تمه‌نده‌ د بوارێ‌ نووژه‌نكرنا جهێن شوونواری دا ل رێكه‌فتی 9/11/2019 رێكه‌فتن دناڤبه‌را هه‌ردوو لایان ڤه‌ هاتبوو ئیمزاكرن و ئه‌ڤرۆ ده‌ستبكاربوون.

ب سه‌رپه‌رشتیا وێ‌ تیما زانكۆیا "به‌نسلڤانیا" و جڤاتا روحانیا ئێزدیان زانكۆیێ‌ ده‌ست ب كارێ‌ نووژه‌نكرنێ‌ هاته‌ كرن كۆ بۆ ئێكه‌م جاره‌ كونسولێ‌ ئه‌مریكا ل عێراقێ‌ كوژمه‌كێ‌ پاره‌ی دابین كریه‌ بۆ په‌رستگه‌ها لالش، ئه‌و كه‌سێن د ناڤ ڤان تیمان دا كه‌سێن بسپۆر و پرۆفیسورن د بوارێ‌ نووژه‌نكرنێ‌ دا، ب تایبه‌ت بۆ جهێن شوونواری، له‌وما كونسولێ‌ ئه‌مریكا ئه‌ڤ زانكۆیه‌ ده‌ست نیشانكریه‌ بۆ نووژه‌نكرنا په‌رستگه‌ها لالش.

تێ‌ زانین، به‌ری نها ژ ئالیێ‌ حۆكمه‌تا هه‌رێما كوردستانێ‌ و هژماره‌كا خێرخوازان ڤه‌ 500 ملیۆن دینار بۆ نووژه‌نكرنا په‌رستگه‌هێ‌ هاتبوونه‌ ته‌رخانكرن و كار تێدا دهێته‌ كرن و ب رێژه‌یا 10% پرۆژه‌ هاتیه‌ بجهئینان.