رێڤەبەریا گشتی یا باژێرڤانیان ل پارێزگەها دهۆکێ پیرۆزباهیێ ل هەردوو ئێکەتیێن قوتابی و لاوان دکەت

ب مەرەما پیرۆزباهیکرن ب هەلکەفتا دامەزراندن و دەربازبوونا 67 ساڵان ل سەر دامەزراندنا هەردوو رێکخراوێن ئێکەتیا قوتابیێن کوردستانێ و ئێکەتیا لاوێن دیموکراتا کوردستانێ، رێڤەبەرێ گشتیێ باژێرڤانیان ژ نێزیک سەرەدانا هەردوو رێکخراوێن ناڤبری کر.

دیار بەحری رەسول، رێڤەبەرێ گشتیێ باژێرڤانیان د چارچوڤێ سەرەدانا خوە دا بۆ ئێکەتیێن قوتابی و لاوان گۆت: (ئێکەتیا قوتابیێن کوردستانێ و ئێکەتیا لاوێن دیموکراتا کوردستانێ خودان خەبات و قوربانیدانەکا زورن و کار و چالاکیێن وان بۆ پێشخستنا شیانێن قوتابی و لاوان ناهێتە ژبیرکرن و ب گرنگ د نرخینین ب تایبەتی د روژێن سەخت دا و ب سایا وان هزاران کەس ل ناڤەندێن خواندنێ و چەپەرێن شورشگێری کار و خەبات بو بزاڤا رزگاریخوازیا کوردستانێ کریە).

زێدەتر گۆت: (د نوکە ژی دا ئێکەتیا قوتابیان و ئێکەتیا لاوان د کار و خەبات و خزمەتکرنا قوتابی و لاوان بێ جوداهی بەردەوامن و هەبوونا وان گرنگ و پێدڤی یە کا جڤاکی یە، ل ڤێرە پیرۆزباهیێ وان دکەین و دخوازن زێدەتر کار و خەباتێ بو قوتابی و لاوێن کوردستانێ بکەن).