شوونوارێن ده‌ڤه‌را ئامێدیێ‌ دێ‌ هێنه‌ نووژه‌نكرن و پاراستن




رێڤه‌به‌رێ‌ گشتیێ‌ باژێرڤانیان و شاندێ‌ یۆنسكۆ سه‌ره‌دانه‌كا مه‌یدانی برنه‌ ده‌ڤه‌را ئامێدیێ‌

...............

رێكخراوا یونسكو یا نێڤده‌وله‌تی به‌رهه‌ڤیا خوه‌ دیاركریه‌ بۆ هندێ‌ هه‌موو شوونوارێن ده‌ڤه‌را ئامێدیێ‌ نووژه‌نبكه‌ت و خانیێن شوونواری یێن ده‌ڤه‌رێ‌ ژی بپارێزیت.

ئه‌ندازیار دیار به‌حری ره‌سول، رێڤه‌به‌رێ‌ گشتیێ‌ باژێرڤانیان ل پارێزگه‌ها دهۆكێ‌ و شانده‌كێ‌ رێكخراوا یونسكو یا نێڤده‌وله‌تی ب هه‌ڤكاریا د. شرین یونس ئیسماعیل مامۆستایا زانكۆیا دهۆك و تایبه‌تمه‌ند د بوارێ‌ پاراستنا ئاڤاهیێن شوونواری ل پارێزگه‌ها دهۆكێ‌ سه‌ره‌دانه‌كا مه‌یدانی بره‌ ده‌ڤه‌را ئامێدیێ‌ و ژ نێزیك به‌رێ‌ خوه‌ دایه‌ هه‌موو جهێن شوونواری یێن قه‌زا ئامێدیێ‌ و ڤه‌دیتنه‌كا ب تێر و ته‌سه‌ل ل سه‌ر شوونوارێن ده‌ڤه‌رێ‌ كریه‌، بۆ هندێ‌ هه‌موو شوونوارێن ده‌ڤه‌را ئامێدیێ‌ نووژه‌نبكه‌ت و خانیێن شوونواری یێن ده‌ڤه‌رێ‌ ژی بپارێزیت.

ئاشكرا ژی كر كو ئه‌ڤ پرۆژه‌یه‌ پرۆژه‌كێ‌ نێڤده‌وله‌تی یێ‌ رێكخراوا یونیسكۆ یه‌ كو بریار دایه‌ ب رێیا ڤی پرۆژه‌ی شوونوارێن ده‌ڤه‌را ئامێدیێ‌ و كه‌لها هه‌ولێرێ‌ یا دیرۆكی نووژه‌ن بكه‌ن و بپارێزن و هه‌موو خانیێن شوونواری یێن ده‌ڤه‌رێ‌ ژی بهێنه‌ پاراستن.