دوو كۆمبوونێن به‌رفره‌هـ ل گه‌ل سه‌رۆكێن باژێرڤانیان هاتنه‌ ئه‌نجامدان




ئه‌ندازیار دیار به‌حری ره‌سول، رێڤه‌به‌رێ‌ گشتیێ باژێرڤانیان، ئه‌ڤرۆ رۆژا سێشه‌مبی دوو كۆمبوونێن به‌رفره‌هـ ل گه‌ل سه‌رۆكێن هه‌ر 47 باژێرڤانیێن ب سه‌ر رێڤه‌به‌ریێ‌ ڤه‌ ل دۆر كار و خزمه‌تێن هاوولاتیان و دانانا پلانا كاری و هنده‌ك ته‌وه‌رێن دی یێن گرنگ ئه‌نجام دان.

ئه‌ندازیار دیار به‌حری د لایه‌كێ‌ كۆمبوونێ‌ دا ئاماژه‌ ب هندێ‌ دا كو پێدڤیه‌ هه‌ر باژێرڤانیه‌ك پلانا خوه‌ یا كاری دانيت و كه‌س ب به‌ره‌لایی كار نه‌كه‌ت و پێدڤیه‌ كارێن هه‌وه‌ ب شێوه‌یه‌كێ‌ پراكتیك و ئه‌كادیمی بهێنه‌ ئه‌نجامدان و هه‌ر باژێرڤانیه‌ك به‌ری كاركرنێ‌ پلانا خوه‌ بدانیت كا چ پرۆژه‌یه‌كێ‌ گرنگ هه‌یه‌ و كیش پرۆژه‌ دێ‌ زێده‌تر خزمه‌تا خه‌لكێ‌ ده‌ڤه‌رێ‌ كه‌ت ئه‌و پرۆژه‌ بهێته‌ ئه‌نجامدان.

ئاماژه‌ ب هندێ‌ ژی هاته‌ دان كو پێدڤیه‌ هه‌موو فه‌رمانبه‌رێن رێڤه‌به‌ریێ‌ و فه‌رمانبه‌رێن باژێرڤانیان پێگیریه‌كا ته‌مام ب ده‌وامێ‌ بده‌ن و چاڤ نقاندن ب هیچ ره‌نگه‌كی بۆ چ فه‌رمانبه‌ران ناهێته‌ دان و هه‌موو فه‌رمانبه‌ر پێگیریێ‌ ب ده‌وامێ‌ بكەن.

ریڤه‌به‌رێ‌ گشتی به‌حس ل هندێ‌ ژی كر كو دڤیت هه‌موو باژێرڤانی پلانا خوه‌ بدانن، ب مه‌رجه‌كی ئه‌ڤ هێلێن گشتی یێن پلانا حۆكمه‌تا هه‌رێما كوردستانێ‌ یا چوار سالی تێدا بن.