باژێرڤانیا كورا چه‌ند جادده‌كێن نافخوه‌ى كونكرێتكرن



ب مه‌ره‌ما زێده‌تر خزمه‌تكرنا خه‌لكێ ده‌ڤه‌رێ ب تایبه‌تى د وه‌رزێ زستانێ دا، سه‌رۆكاتیا باژێرڤانیا كورا رابویه‌ ب چێكرنا چه‌ندین جاددێن نافخوه‌ى ب كوژمێ پتر ژ 16 ملیون دیناران.

ره‌مزیا ئه‌بوبه‌كر، سه‌رۆكا باژێرڤانیا كورا گوت: (ب مه‌ره‌ما زێده‌تر خزمه‌تكرنا خه‌لكێ كورا، باژێرڤانیا مه‌ رابویه‌ ب چێكرنا چه‌ند جاددێن نافخوه‌ى، كو ئه‌و ژى پێكدهێت ژ 125 مه‌ترا ب فره‌هیا پێنج مه‌ترا ب كوژمێ 16 ملیون و 439 هزار دیناران).

زێده‌تر گۆت: (ئه‌و جاددێن هاتینه‌ چێكرن ژى هه‌موو هاتبونه‌ كونكرێتكرن، باژێرڤانیا مه‌ لسه‌ر خزمه‌تكرنا خه‌لكى و دروستكرنا پرۆژان دێ یا به‌رده‌وامه‌).