جاده‌یێن پێنچ تاخێن شێلادزێ‌ و سیریێ‌ دێ‌ هێنه‌ قێركرن




پرۆژه‌ ب كۆژمێ‌ 699 ملیۆن دیناران ل سه‌ر بۆدجه‌یا گه‌شه‌پێدانا هه‌رێمان بۆ قێركرن و كونكریتكرنا جاده‌یێن پێنچ تاخان هاتینه‌ به‌رهه‌ڤكرن.

سه‌ربه‌ست حسێن، سه‌رۆكێ‌ باژێرڤانیا شێلادزێ‌ راگه‌هاند، مه‌ داخوازا دابینكرنا 699 ملیۆن دیناران كریه‌ و د پلانا مه‌ دایه‌ ل گه‌ل هاتنا پارێ‌ گه‌شه‌پێدانا هه‌رێمان یا پارێزگه‌ها دهۆكێ‌ جاده‌یێن تاخێن شه‌هیدان، گولان، كوره‌ژار ل شێلادزێ‌ و جاده‌یێن تاخێن ئازادی و خه‌بات ل سیریێ‌ بهێنه‌ كونكریتكرن.

ئاشكرا ژی كر كو قێركرنا و كونكریتكرنا جاده‌یێن ڤان هه‌ر پێنچ تاخان ژ كارێن گرنگه‌ و ئه‌م دێ‌ هه‌موو هه‌ولان ده‌ین ب نێزیكترین ده‌م ڤی كاری ئه‌نجام بده‌ین و خزمه‌تا خه‌لكێ‌ خوه‌ یێ‌ خۆشتڤی بكه‌ین.