پشكا ئامیر و كوگه‌ها

پشكا ئامیر و كوگه‌ها

ئه‌ڤ پشكه‌ ئێكه‌ ژ پشكێن هه‌رى گرنگ ل سه‌ر رێڤه‌به‌ریا گشتى یا باژێرڤانیان ل پارێزگه‌ها دهوكێ، كارێ وان یێ سه‌ره‌كى ئه‌وه‌ دوویڤچوون و سه‌رپه‌رشتى و بریاردانێ ل سه‌ر هه‌موو كارێن میكانیكى ل كوچكا رێڤه‌به‌ریێ و هه‌ر (47) باژێرڤانیێن سه‌ر ب رێڤه‌به‌ریێ ڤه‌ ل پارێزگه‌ها دهوكێ بكه‌ت، ل گه‌ل رێڤه‌برنا مامه‌لێن گرێدایی ب رێڤه‌به‌ریا مه‌ ڤه‌، هه‌ردیسان دروستكرنا ڤه‌دیتنێن میكانیكى وهویربووینكرنا هه‌لویستێ ئامیره‌تا ژ مه‌زاختنێن كرینا كه‌ل و په‌ل و چێكرن بو وان ئامیره‌تان، مه‌زاختنێن سووته‌مه‌نى یا وه‌كى (به‌نزین وگازوایل و رووین و.... هتد).


هه‌روه‌سا ئه‌ڤ پشكه‌ رادبیت ب ئه‌ڤان كارێن ل خوارێ ژى:

1- هه‌موو وان كارێن  گرێدایى نڤێساران دناڤبه‌را رێڤه‌به‌ریا گشتى و سه‌روكاتیا باژێرڤانیان، ل گه‌ل رێڤه‌به‌ریا گشتى و وه‌زاره‌تا باژێرڤانى و گه‌شتوگۆزار.

2- كارێ هوربینیكرنا پێشینه‌یێن هه‌یڤانه‌ یێن باژێرڤانیێن سه‌ر ب رێڤه‌به‌ریا گشتى ڤه‌.

3- كارێ پلێتكرنا هه‌موو ترومبێل و ئامیره‌تێن رێڤه‌به‌ریا گشتى , یان ئاگه‌هداركرنا رێڤه‌به‌ریا هاتنووچۆنا دهوكێ بۆ پلێتكرنا ترومبێل و ئامیرێن باژێرڤانیێن سه‌رب رێڤه‌به‌ریا گشتى ڤه‌ .

3- نووكرنا سالانه‌یێن میرى بو هه‌مى باژێرڤانیان .

5- پێكئینانا لیژنه‌كێ بۆ دیاركرنا هه‌لویستێ كه‌ل و په‌لا و ترومبێل و ئامیره‌تێن باژێرڤانیا.

6- چێكرنا ڤه‌دیتنێن بهادار بۆ داخازكرنا ترومبێل و ئامیره‌تان.

7- دابینكرنا ئامیره‌تێن پێدڤى بۆ باژێرڤانیان وه‌ختێ دهێنه‌ داخوازكرن.

8- سه‌خبێریا هه‌موو ترومبێلێن رێڤه‌به‌ریا گشتى و به‌رهه‌ڤكرنا وان بو ئه‌ندازیارێن پروژا و ئینان و برنا فه‌رمانبه‌رێن رێڤه‌به‌ریا گشتى ب هاریكاریا (بزاڤا ترومبێلا) .

9- ئه‌ندامن د لیژنا سه‌خبێركرن و نوژه‌نكرنا ئاڤاهیێ رێڤه‌به‌رییا گشتى نه‌ .

10- جه‌ردكرنا ترومبێل و ئامیره‌تێن هه‌موو باژێرڤانیا ب سالانه‌ .

11- ده‌ركرنا لیژنێن به‌رده‌وام بو لدووڤچوونا سالوخوتێن ترومبێل و ئامیره‌تان .


هوبا كوگه‌هێ:

ئه‌و ژى مه‌یدانا ئامیره‌تایه‌ (گه‌راج و كوگه‌ها رێڤه‌به‌ریێ) ژبو هه‌لگرتنا (تێخستنا) كه‌ل وپه‌لێن جودا یێن رێڤه‌به‌ریێ ل گــه‌ل كه‌ل وپه‌لێن یـه‌ده‌ك یێن ترومبێل و ئــامیره‌تان، هه‌روه‌سا به‌لاڤه‌كرن و ده‌رئێخستنا ئــه‌ڤان كه‌ل و په‌لا ب ره‌نگه‌كێ فه‌رمى و رێك و پێك،  ل ڤێره‌ سێ هولێن مه‌زن هه‌نه‌ ژبـو كوگه‌هكرنا كه‌ل و په‌لا.

هوبه‌ رادبیت ب ئه‌ڤان كاران:

1- دابینكرنا هه‌موو كه‌ره‌ستێن نڤێسینگه‌ها (قرتاسیه‌) ژ بو رێڤه‌به‌ریا گشتى .

2- ئه‌و كه‌ره‌ستێن كه‌ڤن یێن د كوگه‌هان دا مای دهێنه‌ دابه‌شكرن بو باژێرڤانیا لدوف داخوازیێ .

3- ئاماده‌كرنا راپورتا سالانه‌ بو وه‌زاره‌تێ لدوف داخوازا وه‌زاره‌تێ .

4- ئاماده‌كرنا جه‌ردا ترومبێل و ئامیره‌تا بو وه‌زاره‌تێ لدوف داخوازا وه‌زاره‌تێ .

5- توماركرنا هه‌مى ترومبێل و ئامیره‌تێن رێڤه‌به‌ریا گشتى ل سه‌ر لینكێ وه‌زاره‌تا نافخوه‌. 




نه‌زیف نه‌زیر عوبه‌ید